काठमाडौँ : नेपाल पत्रकार महासङ्घको अगुवाइमा पत्रकारहरूले सञ्चार गृहमा प्रहरी प्रवेश गरेको र पत्रकार पक्राउ गरेको घटनाको विरोधमा माइतीघर मण्डलमा प्रदर्शन गरेका छन्। उक्त प्रदर्शनमा सहभागी पत्रकारहरूले वर्षाका बीच भिजेरै प्रेस स्वतन्त्रताको पक्षमा मौन विरोध जनाएका थिए ।
यसअघि शुक्रबार सादा पोसाकमा खटिएका प्रहरीले विभिन्न सञ्चार गृहमा पुगेर केही पत्रकारलाई नियन्त्रणमा लिएका थिए। उक्त घटनाको विरोध भएपछि प्रहरीले पक्राउ परेका पत्रकारहरूलाई सोही दिन साँझ रिहा गरेको थियो।