काठमाडौं : आत्मदाह प्रयास गरेका व्यवसायी अश्विनकुमार राउतको स्वास्थ्य अवस्था गम्भीर बनेको छ ।
उनी अध्यक्ष रहेको राउत क्षेत्री सेवा समाजका सचिव रोशन राउतका अनुसार महाबौद्धस्थित ट्रमा सेन्टरको आईसीयुमा उपचार भइरहेको छ ।
होस खुलेको छैन । एयर एम्बुलेन्सबाट उपचारका लागि भारत लैजाने परिवारको माग छ । तर, स्वास्थ्यको जटिलताका कारण चिकित्सकले अनुमति दिएका छैनन् ।
राउत केही समयअघि भारतमा नशाको उपचार गरेर फर्किएका थिए । उक्त उपचारपछि उनी खुट्टा खोच्याउँदै हिँड्न थालेका थिए ।
सचिव राउतले पारिवारिक विवादका कारण उनले आत्मदाह प्रयास गरेको कुरामा सत्यता नभएको बताए।