काठमाडौँ ,बङ्गलादेशका लागि नेपाली राजदूत घनश्याम भण्डारीले त्यहाँका वातावरण, वन तथा जलवायु परिवर्तन मन्त्री अब्दुल आवाल मिन्टुसँग शिष्टाचार भेटवार्ता गरेका छन् ।बुधबार भएको भेटमा नेपाल–बङ्गलादेश सम्बन्धका विभिन्न आयामहरूबारे विचार आदान प्रदान भएको बङ्गलादेशस्थित नेपाली दूतावासले जनाएको छ । भेटमा दुई देशबिचको सहकार्यलाई अझ सुदृढ बनाउने विषयमा पनि छलफल भएको बताइएको छ ।विशेषगरी वन संरक्षण, वातावरण संरक्षण तथा जलवायु परिवर्तनका क्षेत्रमा आपसी सहकार्य विस्तार गर्ने उपायहरूबारे दुवै पक्षबिच छलफल भएको दूतावासले जनाएको छ । भेटवार्ताले द्विपक्षीय सम्बन्धलाई थप मजबुत बनाउने विश्वास व्यक्त गरिएको छ ।